ԱԺ «Հայաստան» խմբակցության պատգամավոր Գառնիկ Դանիելյանը լրագրողների հետ զրուցում անդրադարձավ ՔՊ-ականների պնդումներին, թե շարժումը մարում է․ «Շարժումը չի կարող մարել, այն ի սկզբանե ունեցել է հստակ նպատակներ, կան ծրագրեր, որոնք իրենց արդիականությունը չեն կորցրել։ Եթե ոմանք երազում են թե՛ ներսից, թե՛ դրսից ցեխ շպրտել շարժման վրա և իրենց չմասնակցությամբ փորձել վիժեցնել շարժումը, չի ստացվելու։
Մարդիկ, որոնք առաջին օրվանից աջակցություն են հայտնել շարժմանը, հիմա փորձում են իրենց կեղտոտ, նենգ ծրագրերով ու խոսույթով խոչընդոտ հանդիսանալ։ Մարդիկ պետք է բարոյականության և սկզբունքների առումով կես ժամը մեկ կարծիք չփոխեն»,- ասաց Գառնիկ Դանիելյանը։