ՔՊ-ական Գուրգեն Արսենյանն ԱԺ-ում հայտարարեց, որ 3 ամիս է՝ դիտարկում է քաղաքական մի գործընթաց. «Դաշնակցության մեր գործընկերները ձեռնամուխ են եղել սրբագրելու 2023թ. սեպտեմբերյան իրադարձությունների բովանդակությունը և պատճառահետևանքային կապը, իրենց ելույթներն ուղղված են այդ պրոցեսները սրբագրելուն: Ամենայն հավանականությամբ, ստացել են կուսակցական շրջաբերական՝ հասկանալով, որ հնարավոր են այնպիսի բացահայտումներ, որոնք ուղղակի կարող են իրենց համար դառնալ կործանարար: Սակայն Արցախում տեղի ունեցած սահմանադրական կարգի տապալումը սրբագրելու համար դուք պետք է կարողանաք շրջանառությունից, մեդիաներից հանել Ռուբեն Վարդանյանի ինքնախոստովանական ելույթը, որ Արայիկ Հարությունյանն իրենց հանդիպման ժամանակ խոսք է տվել հրաժարական տալ ու չի կատարում խոստումը»,- ասաց պատգամավորը: |