Արևմուտքը փորձում է հոկտեմբերին Վրաստանում իրագործել «մայդանի» սցենարը՝ Ռուսաստանի սահմանների մոտ լարվածության նոր օջախ ստեղծելու նպատակով։ Այս մասին ТАСС-ին հայտնել է ՌԴ փոխարտգործնախարար Միխայիլ Գալուզինը։ ԱՄՆ-ն ու ԵՄ երկրները, դիվանագետի խոսքով, ճնշում են գործադրում ինքնիշխան պետությունների վրա: «Այժմ նրանք որոշել են զբաղվել Վրաստանով, քանի որ իրենց դուր չի գալիս «Օտարերկրյա ազդեցության թափանցիկության մասին» օրենքը, թեպետ հենց ԱՄՆ-ում և համաշխարհային այլ երկրներում այդ թեմայով գոյություն ունեն կամ դիտարկվում են շատ ավելի խիստ նորմեր»,- ասել է Գալուզինը։ |