+34 °C, +19 °C ... +34 °C Վաղը`+32 °C
Ամերիկյան Politico թերթի եվրոպական հրատարակությունը հանդես է եկել պնդմամբ՝ Բելառուսը 2018-2022թթ․ զինել է Ադրբեջանին, ինչը հայ-բելառուսական հարաբերություններում ճգնաժամի պատճառ է դարձել։ Թերթը հղում է անում «մեծ թվով փաստաթղթերի արտահոսքին»։ Թերթին համապատասխան տեղեկություն է տրամադրել հայկական «Ժողովրդավարության և անվտանգության տարածաշրջանային կենտրոն» ՀԿ-ն։ Politico-ն պնդում է, որ Մինսկը Բաքվին հրետանային և ռադիոէլեկտրոնային պայքարի համակարգեր է մատակարարել։ Թերթի պնդմամբ՝ դրանք «ակտիվորեն օգտագործվել են հայ-ադրբեջանական հակամարտությունում»։ Հոդվածում նաև ասվում է, որ փաստաթղթերի հենց այդ արտահոսքն է դարձել հայ-բելառուսական հարաբերություններում ներկայիս դիվանագիտական ճգնաժամի պատճառը, որից հետո կողմերը հետ են կանչել իրենց դեսպաններին։ Թերթը հիշեցնում է, որ երեկ ՀՀ վարչապետ Նիկոլ Փաշինյանը ՀԱՊԿ անդամ հանդիսացող Բելառուսին մեղադրեց Հայստանի և Ադրբեջանի հակամարտության ժամանակ իր դաշնակցային պարտականությունները չկատարելու մեջ։ Բացի այդ, Երևանը սառեցրել է մասնակցությունը ՀԱՊԿ գործունեությանը և չի բացառում, որ դուրս կգա կազմակերպությունից, նշում է Politico-ն։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am