ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+26 °C, +21 °C ... +33 °C Վաղը`+33 °C
«Թույլ չենք տալու, որ ԼՂ կղերաֆեոդալական էլիտան ժողովրդին օգտագործի իր կլանային նպատակների համար»․ Փաշինյան
10:48, 14.06.2024 | mamul.am
1856 | 2

«Լեռնային Ղարաբաղից բռնի տեղահանված մեր քույրերի և եղբայրների բնակավորման ծրագիրը մտնում է գործնական փուլ»,-կառավարության նիստի ժամանակ հայտարարեց Նիկոլ Փաշինյանը՝ քննարկելով Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի իրականացման կարգի վերաբերյալ հարցը։
«Այս ծրագրի շահառու դառանալու համար պետք է դիմեն այն քաղաքացիները, ովքեր ունեն ՀՀ քաղաքացիություն։ Այս հարցը մի քանի անգամ ենք քննարկել և եկել ենք եզրակացության, որ սա ճիշտ որոշում է»,-ասաց նա։
Նիկոլ Փաշինյանը քննարկվող հարցի շրջանակներում կրկին անդրադարձավ արցախյան էլիտային․ «ՀՀ կառավարությունը շարունակելու է աջակցել ԼՂ-ից բռնի տեղահանված քաղաքացիներին, սակայն ուզում եմ ընդգծել մեր կառավարության քաղաքական կամքը։ Մենք թույլ չենք տալու, որ ԼՂ կղերաֆեոդալական էլիտան Լեռնային Ղարաբաղի ժողովրդին օգտագործի իր կլանային նպատակների համար։ Մենք շատ համբերատար ենք, մեր սերը չենք թաքցնում, բայց որևէ մեկը սա թուլություն չպետք է ընկալի, հույս ունեմ այս ուղերձների հասցեատերերը կընդունեն դրանք և չեն հասցնի նրան, որ մենք առաքենք այդ ուղերձները կոնկրետ հասցեներով»,-ասաց նա։

Կառավարության հերթական նիստը
Կիսվի՛ր այս նյութով՝
դեպի վեր