«Բաղրամյան պողոտայում կիրառվել է հատուկ միջոցների ընդամենը մի փոքրիկ մաս»,-ԱԺ ճեպազրույցների ժամին ասաց ՔՊ-ական պատգամավոր Անդրանիկ Քոչարյանը՝ անդրադառնալով Բաղրամյան պողոտայում օրերս տեղի ունեցած դեպքերին։ «Ոստիկանությունը մինչև վերջին պահը ձեռնպահ էր մնում միջոցներ կիրառելուց»,-ասաց նա՝ նշելով, որ բախման առաջին քայլը եղել է ցուցարարների կողմից։ «Վիրավորներ ունեցանք, բայց զոհեր չունեցանք, որովհետև ուժային բլոկը հստակ աշխատեց։ Մարդիկ, ովքեր այլ պլանավորում ունեին, իրականություն չդարձավ»,-ասաց նա։ Հարցին, թե ի՞նչ հատուկ միջոցներ են կիրառվել, բոլորը բեկորային վնասվածքներ են ստացել՝ Քոչարյանը պնդեց, որ կիրառվել են լուսաձայնային միջոցներ, որոնցից բեկորներ լինում են։ |