«Ժողովրդավարության հայկական ֆորում» միջոցառման ժամանակ ՀՀ վարչապետն անդրադարձել է ԵՄ-ին անդամակցելու վերաբերյալ հնչեցված հարցին. «Վերջերս ԱԺ-ում ականատես եղանք լսումների: Հիմնական գաղափարը ո՞րն է, ասում են՝ եկեք հանրաքվե անենք, որպեսզի հնարավորություն տանք, որ ժողովուրդն աջակցի այս գաղափարին: Ես ինքս ԵԽ ամբիոնից հայտարարել եմ, որ Հայաստանը պատրաստ է ԵՄ-ին մոտիկ լինել այնքան, ինչքան ԵՄ-ն դա հնարավոր կհամարի։ Եթե ես մտածեի, որ Հայաստանի ժողովուրդը չի աջակցում էդ գաղափարին, նման հայտարարություն չէի անի... Հանրաքվե անե՞լ, թե՞ չանել, ինչո՞ւմն է խնդիրը: Եթե մենք հանրաքվե ենք անում, պետք է քարոզարշավ անենք։ Այդ դեպքում մարդիկ մեզ տալու են հարցեր՝ ինչպե՞ս, ե՞րբ, ինչքա՞ն ժամանակում, ԵՄ-ն ուզո՞ւմ է դա, թե՞ ոչ։ Մարդիկ հարցնելու են՝ ԵՄ-ն ինչքանո՞վ է պատրաստ։ Ես այդ հարցի պատասխանը չեմ կարող տալ, որովհետև ԵՄ ներսում էլ ընթանում են գործընթացներ»,- նշեց Փաշինյանը։