Իսրայելը փաստացի կորցրել է ինքնիշխանությունը իր երկրի հյուսիսում, քանի որ մարդիկ տուն վերադառնալիս իրենց ապահով չեն զգում։ Այս մասին հայտարարել է ԱՄՆ պետքարտուղար Էնթոնի Բլինքենը, հաղորդում է Breitbart News-ը։

Բրուքինգսի ինստիտուտում ելույթի ժամանակ Բլինքենը վստահություն է հայտնել, որ Իսրայելը պատերազմ չի ուզում Լիբանանում։ Սակայն նա խոստովանել է, որ «Իսրայելը կարող է պատերազմ սկսել՝ իր շահերը պաշտպանելու համար և եթե դրա անհրաժեշտությունը լինի»։

Բլինքենի խոսքով՝ «Հըզբոլլահ»-ը և Լիբանանը ևս պատերազմ չեն ուզում։

«ԱՄՆ-ն աշխատում է համաձայնության հասնելու ուղղությամբ՝ ապահովելու, որ «Հըզբոլլահ»-ը հետ քաշվի սահմանից 30 կմ»,- հավելել է Բլինքենը։