Վերջին տարիներին Հայաստան այցելող զբոսաշրջիկների աճը կայուն է: Տուրիզմի ակտիվ շրջան կարելի է համարել ապրիլից մինչև հոկտեմբերը: Այցելում են տարբեր երկրներից` Ռուսաստան, Իսպանիա, Ուկրաինա, ԱՄՆ, Ֆրանսիա: Այցելությունները լինում են` Գառնի, Սևան, Էջմիածին, Դիլիջան, Տաթև: «Ամեն տեսակի փաթեթներ էլ պատրաստում ենք: Փաթեթի արժեքը կախված է նրանից, թե ուր են նախընտրում և քանի օրով»,- մեզ հետ զրույցում հայտնեց «Էյր Կովկաս» ճանապարհորդական գործակալության տնօրեն Անի Սարգսյանը. «Այցելում են Տաթևի վանք և ճանապարհի բոլոր պատմամշակութային հուշարձանները: Այցելություններ են լինում նաև Լեռնային Ղարաբաղ»: Փաթեթների մեջ զբոսաշրջությունից բացի մտնում է նաև ընդհանուր քննարկումները և սնունդը: Այցելողների մեծ մասը հիսունն անց մարդիկ են: Ըստ տուրիստական գործակալությունների՝ նախորդ տարիների համեմատ նրանց աճը չի ավելացել, բայց փոխարենը չի էլ նվազել: |