«Հայկական ժամանակ»-ը գրում է. ««Բարգավաճ Հայաստան» կուսակցության համամասնական ցուցակից երեկ 21 հոգի ինքնաբացարկի դիմում է ներկայացրել Կենտրոնական ընտրական հանձնաժողովին:
Հիշեցնենք, երբ ԲՀԿ-ական պատգամավոր Գրիգոր Գրիգորյանը (Շերիֆ), պատգամավորական մանդատից հրաժարվելու մասին դիմում ներկայացրեց ԱԺ նախագահին, «ՀԺ»-ն տեղեկացրել էր, որ հաջորդը ԲՀԿ ցուցակով պատգամավոր է դառնալու հրազդանցի Տիգրան Ներսիսյանը:
Նա «Հրազդան հաց» ՍՊԸ-ի գլխավոր հաշվապահն է և ԲՀԿ համամասնական ցուցակի 88-րդ համարը: Բայց որպեսզի Ներսիսյանը պատգամավոր դառնա, անհրաժեշտ էր, որ նրանից առաջ ցուցակում գտնվողները ինքնաբացարկի դիմում ներկայացնեն: Եվ ահա 21 հոգի հերթով նման դիմումներ են գրել»:
Այս և ուշագրավ այլ հոդվածներ` թերթի համարում: