Ֆեյսբուք սոցիալական կայքը թողարկել է կայքի նոր տարբերակ, որ նախատեսված է գրասենյակային աշխտողների համար: «Facebook at Work» տարբերակը փորձարկման փուլում է գտնվում: Այժմ թեստավորում են անցնում լուրերի ժապավենը, մշակվում են խմբերի վարման և հաղորդագրությունների փոխանակման մեխանիզմները, հաղորդում է «Գարդիան»-ը:

Լրատվականը նշում է, որ շատ կազմակերպություններ արգելում են իրենց աշխատակիցներին աշխատանքային ժամերին օգտվել «Ֆեյսբուք»-ից, և «Facebook at Work»-ի մշակումը տարվել է այնպես, որ սոցկայքից հնարավոր լինի օգտվել անգամ գրասենյակում:

Նոր հավելվածը հասանելի է միայն պիլոտային գործընկերներին: Հավելվածը հասանելի է IOS և Android համակարգերով հեռախոսներում:

Ինչպես հաղորդում է «Ֆայնենշլ թայմզ»-ը, «Facebook at Work»-ն արտաքնապես չի տարբերվում ավանդականից, սակայն ծրագրավորողները խոստանում են, որ կորպորատիվ տվայալներն այստեղ պահվելու են սիրողական լուսանկարներով և նման այլ նյութերով հարուստ անհատական պրոֆիլներից առանձին: