Նստակյաց կյանք վարելն ու մարմնամարզությամբ ընդհանրապես չզբաղվելը կարող է մահացությունների պատճառ դառնալ երկու անգամ ավելի շատ, քան գիրությունը: Ինչպես գրում է «ԲիԲիՍի»-ն, գիտնականներն այսպիսի տեսակետ են հայտնել ավելի քան 12 տարի արված հետազոտությունից հետո: Աղբյուրը նշում է, որ 334.161 եվրոպացիների մասնակցությամբ իրականացված հետազոտության արդյունքում պարզվել է, որ առողջության համար թիվ մեկ թշնամին նստակյաց կյանք վարելն է՝ անկախ նրանից, թե մարդը նիհարակազմ է, թե գեր: Ուստի եթե յուրաքանչյուր տարվա կտրվածքով գիրությունը կարող է մոտ 337 հազար մարդու մահվան պատճառ դառնալ, ապա նստակյաց կյանքը կարող է խլել մոտ երկու անգամ շատ մարդկանց կյանք՝ հասցնելով այդ թիվը 676 հազարի: Այդ ամենից խուսափելու համար գիտնականները պարզապես խորհուրդ են տալիս օրվա մեջ 20 րոպե հատկացնել ֆիզիկական վարժություններին: Գիտնականները նշել են նաև, որ թեև նստակյաց կայնքը հաճախ դառնում է գիրության պատճառ, այնուամենայնիվ, եթե մարդ նիհարակազմ է և նստակյաց կյանք է վարում, նրա մոտ առողջական խնդիրներ առաջանալու հավանականությունը շատ ավելի մեծ է, քան գեր և ոչ ակտիվ կենսակերպի սիրահար մարդկանց մոտ: |