«Moody’s» միջազգային վարկանիշային կազմակերպությունը իջեցրել է Հայաստանի վարկային վարկանիշը` «Ba2»-ից հասցնելով «Ba3»-ի: Ազգային արժութային և դեպոզիտային պարտատոմսային վարկանիշը «Ba1»-ից հասել է «Baa3»-ի, հայտնում է «ԲիԲիՍի»-ն: Միջազգային վարկանշային կազմակերպության կողմից Հայաստանի վարկանիշի նվազեցման մասին որոշումը բացատրվում է մեր երկրի արտաքին խոցելիության սպառնալիքի ավելացմամբ, ինչն էլ պայմանավորված է Ռուսաստանից դեպի Հայաստան գումարային փոխանցումների նվազեցմամբ, ինչպես նաև ռուսաստանյան տնտեսության բացասական տեղաշարժի հետևանքով Հայաստանի տնտեսական առաջընթացի խաթարմամբ: Նշենք, որ Հայաստանից դեպի Ռուսաստան արտահանման ծավալը կազմում է շուրջ 23 տոկոս: Նշենք նաև, որ ավելի վաղ «Moody's»-ը հայտնել էր, որ 2015-ին Ռուսաստանի ՀՆԱ-ն կնվազի 5,5 տոկոսով: |