+21 °C, +15 °C ... +28 °C Վաղը`+32 °C
«Euronews» պարբերականը նույնպես անդրադարձել է հայ ընտանիքի սպանդից հետո Գյումրիում երեկ զարգացած իրադարձություններին: Աղբյուրը հայտում է, որ Հայաստանում մեծ թվով մարդիկ ցույցի են ելել՝ պահանջելով Ռուսաստանից իրենց երկրի իշխանություններին հանձնել Գյումրիում մի ամբողջ ընտանիքի սպանած ռուս զինվորին: «Հայաստանի Գյումրի քաղաքում իրադրությունն արդեն այնքան է լարվել, որ երեկ՝ ցույցերի երրորդ օրն արդեն բախումներ են սկսվել ոստիկանների և ցուցարարների միջև, և այդ բախումների արդյունքում 14 մարդ է վիրավորվել: Այս ամենը կարող է լուրջ խոչընդոտներ առաջացնել երկու երկրների հարաբերությունների միջև նույնիսկ այն դեպքում, երբ Ռուսաստանը համարվում է Հայաստանի առևտրային խոշորագույն գործընկերը, իսկ Հայաստանը վերջերս միացել է Մոսկվայի հովանավորությամբ ստեղծված Մաքսային միությանը»,- նշում է պարբերականը: Նշենք նաև, որ թեև արդեն ռուս զինվորական Պերմյակովի հանդեպ քրեական գործ է հարուցվել, սակայն աղբյուրը Պերմյակովին դեռևս «կասկածյալ» է անվանում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am