Ամերիկյան «CBS» պարբերականը նույնպես լուսաբանել է Գյումրիում ստեղծված իրադրությունը, որը սկսվեց ռուսական 102-րդ ռազմաբազայում ծառայող ռուս զինվորի ոճրագործությունից հետո: «Երեկ մոտ 2000 մարդ հավաքվել էր և փորձում էր ճեղքել ոստիկանների շարքը՝ մուտք գործելու համար Գյումրիում Ռուսաստանի հյուպատոսարանի շենք: Արդյունքում՝ ոստիկանների և ցուցարարների միջև բախումներ սկսվեցին, որի ժամանակ նույնիսկ մի քանի մարդ վիրավորվեց, ոմանք նույնիսկ տեղափոխվեցին հիվանդանոց: Մինչ այժմ, սակայն, մնում է անհայտ, թե արդյոք Ռուսաստանը պատրաստվո՞ւմ է Պերմյակովին հանձնել Հայաստանի իշխանություններին, թե ոչ: Այսպիսով, ստացվում է այնպես, որ Հայաստանի հիմնական դաշնակից և հովանավոր Ռուսաստանը մինչ այժմ միայն իր ցավակցությունն ու գործի հետաքննության հարցում իր աջակցությունն է հայտնել այդ երկրին»,- նշում է աղբյուրը: |