ԱՄՆ նախագահ Բարաք Օբաման Մեծ Բրիտանիայի վարչապետ Դևիդ Քեմերոնի հետ համատեղ մամուլի ասուլիսի ժամանակ հայտարարել է, որ իրեն չի գոհացնում այն, թե ինչպես է Եվրոպան ինտեգրացնում մահմեդականներին իր հասարակության մեջ, հայտնում է «Ֆորիջն Փլայսի»-ն: «Միացյալ Նահանգների ամենամեծ առավելությունն այն է, որ մեր երկրում ապրող մահմեդականներն իրենց ամերիկացի են զգում, բայց Եվրոպայի որոշ հատվածներում նման բան չկա, և հնարավոր է, որ դա Եվրոպայի համար ամենամեծ սպառնալիքն է»,- ասել է Օբաման: Մեկնաբանելով Ֆրանսիայում, Բելգիայում և Գերմանիայում պոտենցիալ գրոհայինների զանգվածային ձերբակալությունները` Օբաման նշել է, որ եվրոպական երկրները չպետք է այդ խնդիրը լուծեն միայն ուժային եղանակով: |