Ամերիկացի լուսանկարիչ Ալեքս Քորնելը մեկնել է Անտարկտիդա՝ հիանալու և լուսանկարելու այնտեղի հիասքանչ սառցե թագավորությունը: Սակայն այն, ինչին նա ականատես է դարձել, վեր է եղել նրա բոլոր պատկերացումներից: Դրեյքի նեղուցում նա նկատել է շրջված այսբերգ, որը եզակի երևույթ է բնության մեջ: Այն առանձնացել է նեղուցի մնացած այսբերգներից, քանի որ նրա մակերևույթին չեն եղել ձյան շերտեր և տարատեսակ աղբեր՝ միայն մուգ կապույտ սառույց: Ինչպես հայտնի է, այսբերգի 90 տոկոսը գտնվում է ջրի տակ, իսկ երբեմն, երբ 2 կողմերում հավասարակշռությունը խախտվում է, այսբերգը բառի բուն իմաստով շրջվում է, և երևան է գալիս նրա ստորջրյա գեղեցկությունը: |