ԱՄՆ նախագահ Բարաք Օբաման մտադիր է ավելացնել հարկերը ունևոր ամերիկացիների համար: Օբաման այդ մասին կհայտարարի հունվարի 20-ին` ԱՄՆ Կոնգրեսին ուղղված ամենամյա ուղերձի շրջանակներում: Ինչպես հաղորդում է «Ասոշիեյթիդ փրեսս»-ը, բոլոր այն ամերիկացիները, որոնց եկամուտը գերազանցում է 500 հազար դոլարը, 23,8 տոկոսի փոխարեն կվճարեն 28 տոկոս: Լրատվականը տեղեկացնում է, որ հաստատվելու դեպքում օրենքը կտարածվի Միացյալ Նահանգների բնակչության 1 տոկոսի վրա միայն: Ակնկալվում է, որ հանրապետականներն, ովքեր գերակշռում են Կոնգրեսի զույգ պալատներում, դեմ կքվեարկեն օրենքի նախագծին: