+21 °C, +15 °C ... +28 °C Վաղը`+32 °C
ՄԱԿ Գլխավոր քարտուղար Պան Գի Մունը անդրադարձել է Ուկրաինայի արևելքում տիրող իրավիճակին՝ իր անհանգստությունը հայտնելով Դոնեցկի օդանավակայանի շրջակայքում բախումների սաստկացման առիթով: Ինչպես հայտնում է «Ռոյթերս»-ը, ՄԱԿ Գլխավոր քարտուղարը կոչ է արել անմիջապես վերջ դնել Ուկրաինայի արևելքում ծավալված բռնություններին: «Գլխավոր քարտուղարն անհանգստացած է Ուկրաինայի արևելյան հատվածում Դոնեցկի օդանավակայանի նկատմամբ հսկողություն վերահաստատելու համար մղվող մարտերի սաստկացումից, որն արդեն մի քանի մարդու մահվան պատճառ է դարձել և խստորեն վտանգել երկրում 2014թ. սեպտեմբերին այդքան դժվարությամբ ձեռքբերված հրադադարը: Պան Գի Մունը Կիևի իշխանություններին և անջատողականներին կոչ է արել չմոռանալ Մինսկի համաձայնագրով ստանձնած իրենց պարտականությունները և անհապաղ վերջ դնել ռազմական գործողություններին»,- նշվում է ՄԱԿ-ի մամուլի ծառայության հայտարարության մեջ: Նշենք, որ Դոնեցկի օդանավակայանի տարածքում բախումների սաստկացման արդյունքում Ուկրաինայի արևելքում վերջին երկու օրերի ընթացքում 14 մարդ զոհվել է, քանդվել են մի քանի տներ, իսկ Դոնեցկի որոշ հատվածներ զրկվել են էլեկտրականությունից: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am