+21 °C, +15 °C ... +28 °C Վաղը`+32 °C
Այսօր՝ երկուշաբթի օրը, Չեչնիայի մայրաքաղաք Գրոզնիում անց է կացվում զանգվածային ակցիա ընդդեմ «Շառլի Հեբդո» պարբերականի հրապարակած և Մուհամեդ մարգարեին պատկերող ծաղրանկարների: Հազարավոր մուսուլմաններ ոչ միայն Չեչնիայից, ալյև Ինգուշեթիայից, հավաքվել են Գրոզնիում, ակնկալվում է, որ նրանց թիվը կհասնի կես միլիոնի: «Գրոզնիի կենտրոնում հավաքված բազմությունը կապացուցի ողջ աշխարհին, որ մենք թույլ չենք տա կատակել իսլամի հետ, թույլ չենք տա վիրավորել մուսուլմանների զգացումները»,- հայտարարել է Չեչնիայի նախագահ Ռամզան Քադիրովը: Հիշեցնենք, որ անցյալ շաբաթ Քադիրովը հայտարարել էր, թե իր անձնական թշնամիներն են բոլոր նրանք, ովքեր պաշտպանում են «Շառլի Հեբդո»-ի օրավունքը՝ վիրավորել 1,5 միլիարդ մահմեդականների կրոնական զգացումները: Այսօրվա երթը կավարտվի Ահմադ Հաջի Քադիրովի անվան «Չեչնիայի սիրտ» կենտրոնական մզկիթում, որտեղ մասնակիցները կաղոթեն ու խմբակային նամազ կիրականացնեն: Հիշեցնենք նաև, որ վերոնշյալ ծաղրանկարների դեմ ակցիաներ արդեն իրականացել են մի շարք աֆրիկյան երկրներում՝ Մավրիտանիայում, Ալժիրում, Մալիում, Սենեգալում, իսկ Նիգերում այդ ակցիայի ընթացքում հրկիզվել է քրիստոնեական 7 եկեղեցի: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am