Մահմեդական աշխարհում բազմահազարանոց ցույցեր են սկսվել ըննդեմ «Շառլի Էբդո» խմբագրության, որը կրկին հրապարակել է Մուհամեդ մարգարեի ծաղրանկարները; Ինչպես նշում է «Sputnik International»-ը, հսկայական ցույցեր են անցկացվել նաև Պակիստանում, որտեղ կրոնական և աշխարհիկ կուսակցությունների անդամները բողոքի մեծ ալիք են բարձրացրել ֆրանսիական խմբագրության դեմ՝ հայտնելով, որ ոչ ոքի թույլ չեն տա վիրավորել իսլամը: Ամենամեծ ցույցը տեղի է ունեցել Պակիստանի Լահոր քաղաքում, որտեղ մահմեդականությունը պաշտպանելու նպատակով փողոց է դուրս եկել մոտ 6000 մարդ: իսկ Պակիստանի ամենամեծ քաղաք Կարաշիում ցուցարարները Պակիստանի իշխանություններից պահանջել են խզել հարաբերությունները Ֆրանսիայի հետ: Կատաղած ամբոխը ցույցերի ժամանակ այրել է նաև Ֆրանսիայի դրոշն ու երկրի նախագահ Ֆրանսուա Օլանդի խրտվիլակը՝ վանկարկելով «Մենք Շառլի չենք, մենք Քուաշի ենք» նախադասությունը: Հիշեցնենք, որ ցուցարարները նկատի են ունեցել Սաիդ և Շերիֆ Քուաշի եղբայրներին, որոնք հունվարի 12-ին ահաբեկչական հարձակում են իրականացրել ֆրանսիական «Շառլի Էբդո» խմբագրության վրա՝ սպանելով 12 մարդու: Ցույցերի ժամանակ Կարաչիում ֆրանսիայի հյուպատոսարանի առջև նույնիսկ բախումներ են սկսվել ցուցարարների և ոստիկանության միջև, որի ժամանակ երեք մարդ վիրավորվել է: Իսկ Նիգերիում տեղի ունեցած նման բախումների ժամանակ արդեն 10 մարդ զոհվել է: |