Միջազգային «Reuters» գործակալությունն անդրադարձել է գյումրեցի 6 ամսական փոքրիկ Սերյոժայի մահվան մասին լուրին՝ նշելով, որ նա դարձավ Երևանի և Մոսկվայի հարաբերությունների հնարավոր սրման առիթ դարձած դեպքի 7-րդ զոհը: Աղբյուրը նշում է, որ փոքրիկը մահացել է այսօր հիվանդանոցում և, չնայած բժիշկների ջանքերին, փոքրիկի կյանքը փրկել հնարավոր չի եղել: Հաղորդվում է նաև, որ Սերյոժան այն ընտանիքի 7-րդ անդամն էր, որին անցած շաբաթ ռուս զինվորականը դաժանորեն սպանել էր: «Չնայած, այդ արարքի դրդապատճառը դեռևս հայտնի չէ, սակայն դրանից հետո հետխորհրդային այս փոքր երկրում, որը համարվում է տարածաշրջանում Ռուսաստանի հիմնական դաշնակիցը, բազմաթիվ ցույցեր են սկսվել և հակառուսական տրամադրություն է առաջացել: Ռուսաստանը նույնպես այս ողբերգությունը բնորոշել է որպես իրական ողբերգություն, սակայն ՌԴ ՊՆ-ը մինչ այժմ հրաժարվել է որևէ այլ մեկնաբանություներ տալ դեպքի վերաբերյալ»,- նշում է գործակալությունը: Նշենք, որ դեպքին անդրադարձ է կատարել նաև ռուսական Առաջին հեռուստաալիքը: Հաղորդվել է, որ ռուս զինվոր Վադիմիր Պերմյակովի կողմից դանակի հարվածներ ստացած երեխայի կյանքի համար պայքարել են երկու պետությունների լավագույն բժիշկները, սակայն հրաշք, ցավոք, այդպես էլ տեղի չի ունեցել: |