«Վաշինգթոնի» հարձակվող Ալեքսանդր Օվեչկինը նվեր է ստացել ավտոմեքենա և նվիրել այն մանկապատանեկան հոկեի դպրոցին։ Ավտոմեքենան նա ստացել է կիրակի օրը՝ Կոլամբուսում տեղի ունեցած հանդիպումից հետո։
Ալեքսանդրը նվիրել է այն «Nova Cool Cats Special Hockey Inc» մարզադպրոցին, որը գտնվում է Հյուսիսային Վիրջինիայում։ Օվեչկինը մտերիմ է այնտեղ մարզվող 10-ամյա Աննա Շոբի հետ, ով տառապում է Դաունի համախտանիշով։
«Սա մեծ նշանակություն ունի ինձ համար։ «Հոնդան» կապվել է գործակալիս հետ և նվիրել ինձ մեքենան։ Ես նվիրում եմ այն մարզադպրոցին և այն հիանալի աղջնակին։ Համոզված եմ՝ նրանք նպատակային կօգտագործեն մեքենան, և դա հիանալի նվեր կլինի իրենց համար»,- ասել է Օվեչկինը։