ԱՄՆ Կոլորադո նահանգում բնակվող միայնակ հայր Գրեգ Ուիքհերսթը դարձել է երկրի «ամենալավ հայրիկ»-ը տիտղոսի հավակնորդներից մեկը:

Ինչպես գրում է «Դեյլի Մեյլ»-ը, կնոջից բաժանվելուց հետո Գրեգն իր վրա է վերցրել երեք տարեկան աղջկա խնամակալությունը: Նա նշել է, որ իրենց կյանքում ամեն ինչ շատ հարթ է ընթանում մինչև այն պահը, երբ գործը հասնում է աղջկա մազերը հարդարելուն: Սակայն հոգատար հայրը գտել է նաև դրա լուծումը: Նա դիմել է կոսմետոլոգիական և վարսահարդարման ծառայություններ մատուցող ընկերություններից մեկին և խնդրել տեղի աշխատակիցներին մազերի հարդարման մի քանի գեղեցիկ եղանակ սովորեցնել իրեն:

Ընդամենը մի քանի դասընթացից հետո Գրեգը սովորել է վարսահարդարման մի շարք եղանակներ, և այժմ իր փոքրիկ Իզիի մազերը հարդարելը դարձել է իր օրվա ամենահաճելի զբաղմունքը: