Եվրոմիությունը դիտարկում է Ռուսաստանի դեմ կիրառված պատժամիջոցների ընդլայնման հարցը: Այս մասին «Թվիթեր»-ի իր միկրոբլոգում գրել է «Ազատություն» ռադիոկայանի բրյուսելյան թղթակից Ռիկարդ Իոզվիակը:

Իոզվիակը մասնավորապես նշել է, որ ՌԴ-ի ևս 19 քաղաքացի և 9 ընկերություն ներառվելու են Եվրոմիության կողմից կիրառված պատժամիջոցների «սև ցուցակում»:

«ԵՄ ներկայացուցիչները շարունակելու են քննարկել հաշիվների սառեցման և ճամփորդական վիզաների արգելքների նոր ցանկը: Այդ նոր ցուցակի հստակ թիվն արդեն որոշվել է. 19 քաղաքացի և 9 ընկերություն»,- գրել է Իոզվիակը: