+23 °C, +17 °C ... +31 °C Վաղը`+35 °C
Ուկրաինայի նախագահ Պետրո Պորոշենկոն նշել է, որ ՆԱՏՕ-ն պետք է ժամանակակից զենք տրամադրի իրենց, քանի որ Ուկրաինայի համար այժմ դժվար շրջան է: Ինչպես հաղորդում է «Ամերիկայի Ձայն»-ը, Ուկրաինայի նախագահն այս մասին հայտնել է գերմանական «Die Welt» պարբերականին տված հարցազրույցի ժամանակ: Ըստ Պորոշենկոյի՝ վերջին օրերին Դոնեցկում տեղի ունեցող ահաբեկչությունները, ինչպես նաև Մարիուպոլի դեպքերը հստակ ցույց են տալիս, որ ՆԱՏՕ-ն պետք է ուժեղացնի Ուկրաինային տրամադրվող աջակցությունը: «Հյուսիսատլանտյան դաշինքը պետք է ժամանակակից զենք տրամադրի մեր երկրին, որպեսզի կարողանանք դիմակայել ագրեսորների գործողություններին»,- հայտնել է Պորոշենկոն: Նշենք, որ աշխատանքային այցով Կիև մեկնած ԱՄՆ պետքարտուղար Ջոն Քերին այսօր հանդիպելու է Ուկրաինայի նախագահ Պետրո Պորոշենկոյի և վարչապետ Արսենի Յացենյուկի հետ: Հանդիպումների հիմնական թեման ԱՄՆ-ի՝ Ուկրաինային զենք տրամադրելու հարցն է լինելու: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am