Ուկրաինայում ծավալված ռազմական գործողություններին ի պատասխան` Հյուսիսատլանտյան դաշինքը որոշում է կայացրել Արևելյան Եվրոպայում իր ռազմական ներկայությունն ամրապնդելու վերաբերյալ: Ինչպես գրում է «ԲիԲիՍի»-ն, ՆԱՏՕ-ն հայտարարել է, որ այս ամենը արվում է Ռուսաստանի ագրեսիային դիմակայելու համար և որ սա Սառը պատերազմից ի վեր իրենց առջև դրված ամենամեծ խնդիրն է: Աղբյուրը նշում է, որ այսօր Բրյուսելում կայանալու է ՆԱՏՕ անդամ երկրների պաշտպանության նախարարների հանդիպումը: Նրանք քննարկելու են մինչև 5000 զինվորականներից բաղկացած արագ արձագանքման խմբի ստեղծման հարցը: «Մեր անվտանգության համակարգը ասյ առումով ֆունդամենտալ փոփոխությունների կարիք ունի: մենք պետք է անենք այնպես, որ կարողանանք դիամակայել Ռուաստաի ագրեսիային, որը խախտելով միջազգային իրավունքի նորմերը՝ իրեն միացրեց Ղրիմը»,- նշել է ՆԱՏՕ-ի գլխավոր քարտուղար Յենս Ստոլտենբերգը: |