Ֆրանսիայի նախագահ Ֆրանսուա Օլանդն ու Գերմանիայի կանցլեր Անգելա Մերկելն այսօր երեկոյան պատրաստվում են մեկնել Կիև՝ քննարկելու Ուկրաինայի արևելքում տիրող իրավիճակը: Ինչպես հաղորդում է «ԲիԲիՍի»-ն, երկու երկրների ղեկավարները պատրաստվում են ուկրաինական հակամարտության կողմերին խնդրի կարգավորման նոր տարբերակ առաջարկել: Հաղորդվում է, որ Օլանդն ու Մերկելն, ամենայն հավանականությամբ, առաջարկելու են Դոնբասին անորոշ կարգավիճակ շնորհելու տարբերակը, որը, սակայն, ինքին սառեցված հակամարտության սկիզբ է նշանակում: Նշենք, որ վաղը՝ փետրվարի 6-ին, Ֆրանսիայի և Գերմանիայի ղեկավարները պատրաստվում են հանդիպել ՌԴ նախագահ Վլադիմիր Պուտինի հետ: |