Գերմանիայի կանցլեր Անգելա Մերկելը հայտարարել է, որ ինքը վստահ չէ, որ ՌԴ նախագահ Վլադիմիր Պուտինի հետ հանդիպման արդյունքում հակամարտության կարգավորման գործում որևէ բեկումնալի առաջընթաց է գրանցվելու: Այս մասին հաղորդում է «Ռոյթերս»-ը:

«Անորոշ է, թե արդյոք մենք կարող ենք այնպես անել, որ ՌԴ նախագահ Վլադիմիր Պուտինի հետ բանակցությունները հանգեցնեն հրադադարի վերականգնման, թե հետագա բանակցությունների անհրաժեշտություն կլինի: Մենք նույնիսկ չգիտենք, թե այսօրվա հանդիպումը կարճ, թե երկար կտևի, կամ արդյոք դա կլինի Ռուսաստանի հետ անցկացված վերջին բանակցությունը: Այնուամենայնիվ, մենք պետք է ամեն ինչ անենք, որ կարողանանք վերջ դնել Ուկրաինայի արևելքում ծավալված արյունահեղություններին»,-hայտարարել է Մերկելը:

Նշենք, որ Մերկել-Օլանդ-Պուտին հանդիպումը այսօր Մոսկվայում մեկնարկելու է տեղի ժամանակով 18.30-ին: Երեք երկրների ղեկավարները քննարկելու են ուկրաինական հակամարտության կարգավորման համար մշակված նոր պլանը: