Գերմանիայի կանցլեր Անգելա Մերկելն այսօր Մյունխենում անվտանգության հարցերով համաժողովի ժամանակ հայտարարել է, որ իրենց նպատակը Եվրոպայում անվտանգության ապահովումն է: «Մենք ցանկանում ենք Եվրոպայում անվտանգություն ապահովել Ռուսաստանի հետ համագործակցության միջոցով»,- հայտարարել է Մերկելը: Ինչպես հաղորդում է «Ռոյթերս»-ը, փետրվարի 9-ին էլ սպասվում է Մերկելի հանդիպումն ԱՄՆ նախագահ Բարաք Օբամայի հետ: Երկու երկրների ղեկավարները երկկողմ հարաբերություններին առնչվող հարցերին զուգահեռ անդրադառնալու են նաև Եվրոպայի անվտանգությանը՝ շեշտը դնելով հատկապես ուկրաինական հակամարտության և Ռուսաստանի հետ հարաբերությունների քննարկման վրա: |