Ֆրանսիացի նկարիչ Պոլ Գոգենի կտավը, որը պատկերում է թաիթիի 2 բնակչուհիների, վաճառվել է 300 միլիոն դոլարով: Սա ամենամեծ գումարն է, որ երբևէ տրվել է մշակութային ստեղծագործության համար: Այդ մասին հաղորդում է «ԲիԲիՍի»-ն:

Կտավը, որի անվանումն է «Երբ դու կամուսնանաս», ստեղծվել է 1892թ. և գտնվել է շվեյցարացի կոլեկցիոներ Ռուդոլֆ Շտեհելինի անձնական հավաքածուում:

Շտեհելինը չի ցանկացել հայտնել կտավի նոր տիրոջ անվանումը: Սակայն «New York Times» պարբերականը, հենվելով իր աղբյուրների վրա, հայտնել է, որ այն գնվել է «Qatar Museums» կազմակերպության կողմից: Քաթարի պաշտոնական ներկայացուցիչները դեռևս չեն հաստատել այդ տեղեկատվությունը: Հարկ է նշել սակայն, որ վերջին տարիներին հսկայական գումարներ է ծախսում արևմտյան մշակութային ստեղծագործություններ ձեռք բերելու համար: Ավելի վաղ Քաթարի թագավորական ընտանիքը 259 միլիոն դոլարով ձեռք էր բերել Պոլ Սեզանի կտավներից մեկը: