ՌԴ նախագահ Վլադիմիր Պուտինը եգիպտական առաջատար «Ալ-Ահրամ» պարբերականին տված հարցազրույցի ժամանակ նշել է, որ ինչ-որ մի պահ կարող է նավթի գների հզոր շտկում լինել, ինչը շոկ կառաջացնի, իսկ նման ցնցումներ ոչ մեկին անհրաժեշտ չեն: Այդ կապակցությամբ Պուտինը նավթի միջազգային շուկայի բոլոր ներկայացուցիչներին հորդորել է միավորել ջանքերը շուկայի կայուն զարգացման համար: Նա նաև նշել է, որ նավթի գների նվազեցումը հանգեցնում է նրան, որ ոլորտն այլևս չի գրավում ներդրողներին: Նշենք, որ այսօր առավոտյան միջազգային շուկայում եվրոպական «Բրենթ» մակնշման նավթը գնահատվել է 58,95 դոլար 1 բարելի համար: |