Ամերիկացի երգչուհի Բեյոնսեն այս գիշեր կայացած մրցանակաբաշխության ժամանակ ստացել է 3 «Գրեմմի»՝ հետևյալ անվանակարգերում՝ «Լավագույն երգ», «Լավագույն ելույթ», «Ամենալայն հնչեղություն ստացած ձայնասկավառակ»: Ի դեպ, արձանիկներից 2-ը երգչուհին շահել է «Drunk in Love» կոմպոզիցիայի համար:

Բրիտանացի կատարող Սեմ Սմիթը ստացել է 4 բարձրագույն մրցանակ՝ հետևյալ անվանակարգերում՝ «Լավագույն նոր կատարում», «Տարվա լավագույն ձայնագրություն», «Տարվա լավագույն երգ», «Տարվա լավագույն փոփ ալբոմ»:

Սեմ Սմիթ

«Գրեմմի»-ն համարվում է աշխարհի ամենահեղինակավոր երաժշտական մրցանակներից մեկը և շնորհվում է Ամերիկայի ձայնագրման ակադեմիայի կողմից՝ 1959 թվականից ի վեր: Հաղթողներին որոշում են ակադեմիայի անդամները՝ քվեարկության միջոցով: