Իտալիայում 5.798.515 ամերիկյան դոլարով վաճառքի է հանվել 74 սենյակից բաղկացած շքեղ առանձնատուն, որտեղ ժամանակին ապրել է նաև պատմության մեջ ամենահզոր առաջնորդներից մեկը՝ Նապոլեոն Բոնապարտը:

Ինչպես գրում է «Դեյլի Մեյլ»-ը, «Villa La Voglina» անվանումը կրող առանձնատունը կառուցվել է 18-րդ դարում՝ Իտալիայի Պիեմոնտ շրջանում: Ավելի քան 242 հազար քառակուսի մետր տարածք զբաղեցնող առանձնատունն իր մեջ ներառում է 13 ննջասենյակ, 9 լոգասենյակ և 30 մարդու համար նախատեսված մատուռ: Սակայն առանձնատունը որպես այդպիսին այդքան հայտնի չէր լինի, եթե ժամանակին չծառայեր որպես Նապոլեոն Բոնապարտի բնակատեղի: Վերջինն այդտեղ բնակվել է 1800թ.՝ ավստրիացիների և ֆրանսիացիների միջև ընթացող Մարենգոյի հայտնի պատերազմի ժամանակ: