+23 °C, +20 °C ... +35 °C Վաղը`+35 °C
Հետաքննող լրագրողների միջազգային կոնսորցիումը (ICIJ) ուշագրավ տեղեկություններ է հրապարկել HSBC բանկի շվեյցարական մասնաճյուղի այն հաճախորդների վերաբերյալ, ովքեր խուսափում են հարկերից և թաքցնում են միլիոնավոր դոլարների հասնող հաշիվները: Այդ ցուցակում է հայտնվել նաև Ամենայն Հայոց Կաթողիկոս Գարեգին Բ-ն: Աղբյուրը նշում է, որ Գարեգին Բ-ի անունը բանկի փաստաթղթերում հայտնվել է դեռևս 2000թ.: «Ն.Ս.Օ.Տ.Տ. Գարեգին Բ Ներսես» անվամբ հաշվեհամարի վրա դեռևս 2006-2007թթ. եղել է 1.1 միլիոն ամերիկյան դոլար: Մայր աթոռ Սբ Էջմիածնի մամուլի խոսնակն ICIJ-ի համար մեկնաբանել է այս տեղեկատվությունը՝ նշելով, որ այդ հաշիվը բացվել է բարեգործությունների համար և այն ամբողջությամբ ծառայում է այդ նպատակին: Նա նշել է, որ այդ հաշվեհամարը Գարեգին Բ-ի անվամբ փոխանցվել է նրա նախորդի մահվանից հետո: «Հայ եկեղեցու կաթողիկոսությունը, որը գտնվում է Կաթողիկոսի պատասխանատվության տիրույթում, ազգային-կրոնական հաստատություն է, որը չի ենթարկվում հարկման: Վեհափառ Հայրապետը հարկերից ազատված է»,- նշել է մամուլի խոսնակը:  |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am