Այսօր՝ փետրվարի 9-ին Բրյուսելում կայացած հանդիպման ժամանակ ԵՄ անդամ երկրների արտգործնախարարները որոշում են կայացրել ընդլայնել պատժամիջոցների թիրախում հայտնված ՌԴ և Ուկրաինայի քաղաքացիների անվանացանկը: Ինչպես հայտնում է «Ռոյթերս»-ը, այդ նոր որշման համաձայն՝ ՌԴ մի շարք քաղաքացիների և ուկրաինացի որոշ անջատողականների նկատմամբ կկիրառվի ճամփորդական վիզաների արգելքների և հաշիվների սառեցման պատժամիջոցներ:

Աղբյուրը նշում է, որ այդ որոշումը ուժի մեջ է մտնելու միայն փետրվարի 16-ին, քանի որ Ֆրանսիայի արտգործնախարար Լորան Ֆաբիուսը հայտարարել է, որ իրենք մինչ այդ ցանկանում են ժամանակ տրամադրել հակամարտության կողմերին՝ խնդիրը կարգավորելու հարցում որոշակի առաջընթաց գրանցելու ակնկալիքով: