Վաշինգթոնում մեկնարկել է ԱՄՆ նախագահ Բարաք Օբամայի և Գերմանիայի կանցլեր Անգելա Մերկելի մամուլի ասուլիսը, որի հիմնական թեման ուկրաինական հակամարտությունն է: Ինչպես հաղորդում է «Գազետա»-ն, ասուլիսի ժամանակ ԱՄՆ նախագահը հայտարարել է, որ Ռուսաստանին թուլացած տեսնելն իրենց շահերից չի բխում: «Մեզ պետք չէ շրջափակված և թուլացած Ռուսաստան: Մենք ցանկանում ենք տեսնել ուժեղ, զարգացող և իր ուժերի վրա վստահ Ռուսաստան, որը կարող է մեզ հետ համագործակցել միջազգային ասպարեզում առկա բոլոր մարտահրավերները հաղթահարելու հարցում»,- հայտնել է Օբաման: ԱՄՆ նախագահը նշել է նաև, որ ԱՄՆ-ի և Ռուսաստանի հարաբերությունների ներկայիս սառեցման պատճառը «ռազմավարական ոչ ճիշտ որոշումներն են եղել»: Օբաման հայտարարել է նաև, որ ինքը դեռևս վերջնական որոշում չի կայացրել Ուկրաինային զենք տրամադրելու հարցում, սակայն դիվանագիտական միջոցների տապալման դեպքում դա չի բացառվում: |