+23 °C, +17 °C ... +31 °C Վաղը`+35 °C
Գերմանիայի կանցլեր Անգելա Մերկելը ԱՄՆ նախագահ Բարաք Օբամայի հետ հանդիպումից հետո ուկրաինական հակամարտության կարգավորումը քննարկել է նաև Կանադայի վարչապետ Սթիվեն Հարփերի հետ: Ինչպես հայտնում է «ՍիԲիԷս»-ը, Օտտավայում կայացած հանդիպման ժամանակ Մերկելն ու Հարփերը քննարկել են ուկրաինական հակամարտության կարգավորման համար անհրաժեշտ հետագա քայլերը: «Ցավոք, մինչ այժմ ՌԴ նախագահ Վլադիմիր Պուտինը մերժել է խնդիրը դիվանագիտական միջոցներով կարգավորելու բոլոր փորձերը՝ ձգտելով այնպիսի իրավիճակ ստեղծել, որ հակամարտությանը ռազմական լուծում տրվի: Մենք շատ անգամ ենք աջակցել ուկրաինացի մեր բարեկամներին և շարունակելու ենք այդպես վարվել: Այս պահի դրությամբ էլ փորձում ենք այնպես անել, որ խնդիրը միմիայն դիվանագիտական լուծում ստանա, չնայած որ մյուս բոլոր հավանական տարբերակները նույնպես քննարկվում են»,- հայտարարել է Կանադայի վարչապետը: Նշենք, որ Կանադան արդեն 66 միլիոն ամերիկյան դոլար արժողությամբ ոչ մահացու զինտեխնիկա է տրամադրել Ուկրաինային: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am