Լեհաստանի պաշտպանության նախարար Տոմաշ Սեմոնյակը հայտարարել է, որ իրենք Ուկրաինային զենք տրամադրելու հարցը քննարկելու են միայն այն դեպքում, երբ ծայրահեղ իրավիճակ ստեղծվի: Այս մասին հաղորդում է «Ռոյթերս»-ը:

«Ուկրաինային զենք տրամադրելու հարցը քննարկելու ենք միայն ծայրահեղ դեպքում, քանի որ այդպիսի քայլերով միայն ավելի կսրենք իրավիճակը: Ուստի մինչ այդ պետք է հնարավորինս խուսափենք ռազմական միջոցներով խնդրի կարգավորում փնտրելու փորձերից»,- հայտարարել է Սեմոնյակը:

Նշենք, որ ավելի վաղ Բարաք Օբաման հայտարարել էր, որ դիվանագիտական միջոցների ձախողման դեպքում ԱՄՆ-ը, հնարավոր է` զենք տրամադրի Ուկրաինային: