Իսրայելի Նեգև անապատում հնագետները հայտնաբերել են նախամարդու հարյուրավոր սրբավայրեր: Նրանք առանձնանում են բարձր քարերով, որոնք սեռական օրգան են խորհրդանշում և անցքերով արտեֆակտներով, որոնք կանացի սեռական օրգան են հիշեցնում: Այս մասին հայտնում է «Live Science»-ը՝ հղում անելով «Journal of the Israel Prehistoric» ամսագրին: Էյլաթյան լեռներում նաև հայտնաբերվել են քարե այլ քանդակներ, այդ թվում՝ քարե գավաթներ, մարդանման ֆիգուրներ:

Մոտ 8000 տարվա հնություն ունեցող բոլոր գտածոներն իրար շատ մոտ են եղել: Ըստ գիտնականների՝ հաշվի առնելով տեղագրությունը, կլիմայական պայմանները և մարդկանց սակավաքանակությունը, նման կիպ համադրությունը ֆենոմենալ է:
Անապատում պեղումները դեռ կշարունակվեն: