Եվրոմիության կողմից Ռուսաստանի հանդեպ կիրառված պատժամիջոցներն ուժի մեջ կմտնեն երկուշաբթի օրը` փետրվարի 16-ին: «Լիգա»-ի հաղորդմամբ` այդ տեղեկատվությունը հաստատել է Գերմանիայի կանցլեր Անգելա Մերկելը: Մերկելի խոսքերով` պատժիչ գործողությունները պատասխան են դարձել ռուսամետ ուժերի կողմից Մարիուպոլի վրա կատարած հարձակմանը: Նոր պատժամիջոցներով նախատեսվում է 19 անձանց` Ուկրաինայի 14 քաղաքացու և Ռուսաստանի 5 քաղաքացու զրկել դեպի ԵՄ անդամ երկրներ մուտքի վիզայից և կալանքի տակ առնել նրանց` այդ երկրներում պահվող ունեցվածքը: Նշենք, որ այդ անձանց անունները դեռևս հրապարակված չեն: |