Ռուսաստանի Դաշնության տնտեսական զարգացման նախարար Ալեքսեյ Ուլյուկաևը հույս է հայտնել, որ Մինսկում երեկ կայացած «նորմանդական քառյակի» հանդիպումից հետո դրական փոփոխություններ կլինեն նաև Արևմուտքի՝ ՌԴ հանդեպ կիրառվող պատժամիջոցային քաղաքականության մեջ: Այս մասին հաղորդում է «Ռոյթերս»-ը:

«Ես խորապես համոզված եմ, որ Մինսկի հանդիպումից հետո հնարավոր կլինի հարթել նաև այդ խնդիրը: Ես կարծում եմ, որ ուկրաինական հակամարտության մեջ ներառված բոլոր ուժերը պարզապես հոգնել են այդ պատժամիջոցներից»,- հայտարարել է Ուլյուկաևը:
ՌԴ տնտեսության զարգացման նախարարը հայտնել է նաև, որ Մինսկի համաձայնագրի դրույթների կատարումը կբերի նրան, որ Արևմուտքը կսկսի վերացնել իրենց հանդեպ կիրառված սահամանափակումները: