Մասաչուսեթսի տեխնոլոգիական համալսարանի գիտնականներն ապացուցել են, որ 17-18-րդ դարերում ապրած Անտոնիո Ստրադիվարիուսի ջութակների յուրահատուկ «հզոր» ձայնը դրանց արտադրության ընթացքում տեղի ունեցած պատահական սխալմունքի հետևանք է եղել: Ինչպես գրում է «Դեյլի Մեյլ»-ը, հետազոտողները հասկացել են, որ այդքան արտասովոր խորքային հնչեղությունը պայմանավորված է «F»-անման կտրվածքներով՝ էֆերով: Ստրադիվարիուսի ջութակների վրա այս բացվածքները սխալ են արվել: Ուսումնասիրողներից մեկն էլ բացատրել է, որ Ստրադիվարիուսի ջութակների էֆերը 12-13-րդ դարերում ընդունված ջութակների էֆերից 2 տոկոս շեղում են ունեցել, սակայն այս սխալմունքը հետագայում դարձել է մեծ էվոլյուցիայի սկիզբ:Նշենք, որ Անտոնիո Ստրադիվարիուսի ջութակները շատ թանկ են գնահատվում ամբողջ աշխարհում: Ամիսներ առաջ՝ 2014-ի նոյեմբերին Ստրադիվարիուսի՝ 5 միլիոն դոլար արժողությամբ ջութակը գողացողին դատապարտել են 7 տարվա ազատազրկման: Մեզ հասել է Ստրադիվարիուսի մոտ 720 ջութակ, որոնք առանձնանում են լատիներեն «Antonius Stradivarius Cremonensis Faciebat Anno ….» («Անտոնիո Ստրադիվարիուս Կրեմոնացի պատրաստել է …. թվին») գրառմամբ: |