Ուկրաիայի զինված ուժերի մամլո ծառայության քարտուղար Վլադիսլավ Սելեզնյովը հայտարարել է, որ, չնայած երեկ Բելառուսի մայրաքաղաքում կայացած քառակողմ հանդիպմանը, Ուկրաինայի արևելքում շարունակում է լարված իրավիճակ տիրել: Այս մասին հաղորդում է «Ռոյթերս»-ը: «Դոնբասում այս գիշերը հանգիստ չանցավ: Թշնամու կողմից ամողջ գիշեր առաջվա ինտենսիվությամբ շարունակվել է կրակահերթը: Այդ ամենի պատճառով ուկրաինացի 8 զինծառայող զոհվել է, իսկ 34-ը ստացել են տարբեր աստիճանի վնասվածքներ»,- հայտնել է Սելեզնյովը: Նշենք նաև, որ այսօր Դոնեցկի Կիրովսկի շրջանում մանկապարտեզ է ռմբակոծվել, ինչի հետևանքով տուժել է մանկապարտեզի աշխատակիցներից մեկը: Բարեբախտաբար, հրետանակոծության ժամանակ մանկապարտեզում երեխա չի եղել: |