Ուկրաինայի նախագահ Պետրո Պորոշենկոն հայտարարել է, որ ինքը դեռևս համոզված չէ, որ ուկրաինական հակամարտությունն առաջիկայում լիովին կկարգավորվի, սակայն իրենք դրան նպաստող բոլոր քայլերը ձեռնարկում են: Այս մասին հաղորդում է «Ռոյթերս»-ը: «Երեկ Մինսկում միջազգային հանրության աջակցության միջոցով հնարավոր եղավ հասնել խաղաղության նոր ծրագրի հաստատմանը, որը ենթադրում է, որ առաջիկայում Ուկրաինայի Դոնբաս տարածաշրջանում իրավիճակը կայունանալու է: Սակայն ես չեմ ցանկանում, որ մարդիկ պատրանքներով ապրեն, ես էլ միամիտ մարդու տպավորություն թողնեմ: Մենք բոլորս պետք է հասկանանք, որ մեր երկիրը լիարժեք հրադադարի հաստատման և խաղաղության հասնելու համար դեռևս երկար ճանապարհ ունի անցնելու: Եվ ոչ ոք խորին համոզմունքներ չունի, որ Մինսկում ստորագրված ծրագրի դրույթներն անմիջապես ի կատար են ածվելու»,- հայտարարել է Պորոշենկոն: |