Ռուսաստանի արտգործնախարարությունը հայտարարություն է տարածել, որտեղ նշվում է, որ ՌԴ-ը պատրաստվում է արժանի պատասխան տալ Եվրոմիության՝ իր հանդեպ կիրառված նոր պատժամիջոցներին: Այս մասին հաղորդում է «Ռոյթերս»-ը: «Ակնհայտ է, որ Եվրոմիության՝ նոր պատժամիջոցներ կիրառելու որոշումը հակասում են առողջ բանականությանը և խոչընդոտում ուկրաինական հակամարտությունը խաղաղ միջոցներով կարգավորելու բոլոր փորձերը: Այնուամենայնիվ, այդ պատժամիջոցները ՌԴ կողմից ստանալու են իրենց արժանի պատասխանը»,- նշված է ՌԴ արտգործնախարարության հայտարարության մեջ: Նշենք, որ այսօր՝ փոտրվարի 16-ից, ուժի մեջ մտած ԵՄ նոր պատժամիջոցներով նախատեսվում է 19 ֆիզիկական և 9 իրավական անձի զրկել դեպի ԵՄ անդամ երկրներ մուտքի վիզայից և կալանքի տակ առնել նրանց` այդ երկրներում պահվող ունեցվածքը: |