Այսօր՝ փետրվարի 16-ին, ԵԱՀԿ Մինսկի խմբի համանախագահներ Ջեյմս Ուորլիքը, Պյեր Անդրյուն և Իգոր Պոպովը հանդիպել են Ադրբեջանի նախագահ Իլհամ Ալիևի հետ: Ինչպես գրում է ադրբեջանական «ԱՊԱ» գործակալությունը, հանդիպմանը ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը: Աղբյուրը նշում է, որ հանդիպման մասնակիցները կարծիքներ են փոխանակել Լեռնային Ղարաբաղում տիրող իրավիճակի և խնդրին խաղաղ կարգավորում տալու հեռանկարի վերաբերյալ: Ավելի վաղ հայտնել էինք, որ ԵԱՀԿ ՄԽ ամերիկացի համանախագահ Ջեյմս Ուորլիքի խոսքերով՝ իրենք (համանախագահները) պատրաստվում էին լուրջ բանակցություններ անցկացնել Ադրբեջանի նախագահ Իլհամ Ալիևի հետ՝ Լեռնային Ղարաբաղի հակամարտության խաղաղ կարգավորմանն ուղղված քայլերի քննարկման նպատակով: |