Չնայած Եվրոպական երկրների կողմից Ռուսաստանի հանդեպ կիրառված պատժամիջոցների` Պուտինն այսօր մեկնում է Եվրոպա, մասնավորապես` Հունգարիա: Ուկրաինական ճգնաժամից ի վեր` սա ՌԴ նախագահի 3-րդ պաշտոնական այցն է եվրոպական երկիր: «Գազետա»-ի փոխանցմամբ` Հունգարիայի վարչապետ Վիկտոր Օրբանը Եվրոպայի միավորման գլխավոր քննադատներից է, նա համակրում է Պուտինի գաղափարախոսությունը: Պուտինի այցելության բուն նպատակը երկկողմ էներգետիկ համագործակցության շուրջ քննարկումներ իրականացնելն է: Սակայն Հունգարիայի մայրաքաղաք Բուդապեշտում բողոքի ցույցեր են կազմակերպվել ՌԴ նախագահ Վլադիմիր Պուտինի դեմ: Շուրջ 1500-2000 մարդ «Պուտին՝ ոչ, Եվրոպա՝ այո», «Ռուսնե´ր, գնացե´ք տուն» վանկարկումներով քաղաքի արևելյան կայարանից երթով հասել են արևմտյան կայարան, ինչը խորհրդանշում է հունգար ժողովրդի մղումը դեպի Եվրոպա, այլ ոչ թե դեպի Ռուսաստան: |