Նոր Զելանդիայի Օքլենդ շրջանում ոստիկաններին հաջողվել է հրաշքով փրկել մի կնոջ կյանք, ով իր «BMW» մակնիշի ավտոմեքենայով ընկել էր ջուրը: Ինչպես գրում է «Դեյլի Մեյլ»-ը, երբ ոստիկանները ժամանել են դեպքի վայր, մեքենայի երեք չորրորդ մասն արդեն ջրի տակ է եղել, սակայն ներսում գտնվող հուսահատ կինը կարողացել է բարձրանալ հետևի նստարանի վրա: Ոստիկաններից մեկը, տեսնելով ստեղծված անհույս իրավիճակը, անմիջապես մեծ քար է վերցրել և կոտրել մեքենայի հետևի ապակին, որտեղից էլ հնարավոր է եղել հանել կնոջը: Ոստիկանները նշել են, որ 63-ամյա կինն իսկապես հրաշքով է փրկվել, քանի որ եթե իրենք մեկ րոպե ուշանային, ոչինչ հնարավոր չէր լինի անել, քանի որ ավտոմեքենան ամբողջությամբ անցած կլիներ ջրի տակ: |