Քենիացի վազորդուհու կամքի ուժը ցնցել է շատերին: Օսթին մարաթոնին մասնակցող Հիվոն Նգեթիքը մրցության ժամանակ առաջատարների թվում է եղել, սակայն վերջնագծից մոտ 50 մետր հեռավորության վրա նրա օրգանիզմը չի դիմացել հյուծմանն, ու նա ընկել է ասֆալտի վրա: Վազորդուհուն անմիջապես անվասայլակ են մոտեցրել, սակայն նա, հասկանալով, որ այդ կերպ իրեն որակազրկում է սպառնում, հրաժարվել է օգնությունից և մնացյալ տարածքը սողացել չորեքթաթ: Հատկանշական է, որ կանանց ցուցակում Հիվոնն զբաղեցրել է 3-րդ տեղը, իսկ հաղթանակը շնորհվել է նրա հայրենակցուհուն: |